Macbook M1, M2, M3, M4 чипүүдийн ялгаа
Macbook M1, M2, M3, M4 чипүүдийн ялгаа
Яагаад M чип гэж нэрлэсэн бэ?
Apple компани өөрийн анхны өөрийн бүтээсэн процессорыг "M" гэж нэрлэсэн бөгөөд энэ нь хэд хэдэн шалтгаантай:
· "M" гэдэг нь "Mac" гэсэн үгийн товчлол юм. Энэ чипийг MacBook, iMac зэрэг Mac төхөөрөмжүүдэд зориулж бүтээсэн учраас ингэж нэрлэсэн.
· "Mobile" буюу хөдөлгөөнт төхөөрөмжид зориулсан гэдэг утгыг бас агуулдаг. Учир нь M чипүүд маш бага эрчим хүч зарцуулж, батарейны хүчин чадал сайтай байдаг.
· Мөн Apple-ийн дотоод нэршилд "M-сери" нь Mac төхөөрөмжид зориулсан өндөр бүтээмжтэй, бага дулаан ялгаруулдаг процессоруудыг илэрхийлдэг систем болсон.
M чипийн бусдаас ялгарах хамгийн гол онцлог
Бүх гол бүрэлдэхүүнүүдийг нэг чипэнд нэгтгэсэн байдаг.
Тодруулбал, нэг M чип дотор:
· CPU (төв процессор) — бүх тооцооллын ажлыг гүйцэтгэдэг.
· GPU (график процессор) — дүрслэл, 3D график, видео рендеринг зэрэг ажлыг хариуцдаг.
· RAM (санах ой) — программын өгөгдлийг түр хадгалдаг.
· Neural Engine (хиймэл оюун ухааны тооцоолол) — AI ажиллагааг хариуцдаг.
· Media Engine (кодлох, декодлох блок) — видео файлуудыг хурдан, үр ашигтай боловсруулахад зориулагдсан.
· Бусад IO (input/output) хянагчууд хүртэл бүгд хамтдаа нэг микрочип дээр байрладаг.
Энэ бүхнийг нэг дор нэгтгэсэн технологийг "SoC" (System on a Chip) гэж нэрлэдэг.
Хэнд зориулагдсан бэ?
Macbook M1 -Энгийн буюу өдөр тутмын хэрэглээнд тохиромжтой бөгөөд оффисын программ болон зураг засварлах, хөнгөн видео засвар хийх, график дизайн зэрэг бүтээлч ажлуудад тохиромжтой.
Macbook M2 - M1 чипээс 15–18% хурдан, график илүү сайжирсан ба бүтээлч мэргэжилтнүүдийн хэрэглээнд тохиромжтой, 3D загварчлал, видео засвар зэрэг илүү өндөр гүйцэтгэл шаардсан хэрэглээнд тохиромжтой.
Macbook M3- M3 чип нь M1 болон M2 чипүүдээс илүү өндөр гүйцэтгэл, шинэ технологиудыг агуулсан бөгөөд хэрэглэгчдэд илүү хурдтай, үр ашигтай төхөөрөмжүүдийг санал болгодог. Мөн видео эдит хийдэг хүмүүстээ зориулж AV1 видео кодлогчийг дэмждэг бөгөөд энэ нь видео тоглуулахад илүү үр ашигтай, бага хүч зарцуулдаг.
Macbook M4- M4 чип нь Apple Silicon архитектурын дөрөв дэх үе бөгөөд өмнөх M3 чипээс илүү өндөр гүйцэтгэл, AI боловсруулалтын чадвар, шинэ дэлгэцийн технологиудыг агуулсан. M4 суурилсан MacBook загварууд нь Ultra Retina XDR дэлгэцтэй болсон. Энэ нь улам сайжруулсан гэрэлтэт, өнгөний нарийвчлал, илүү нарийн HDR дүрслэл үзүүлэх чадвартай. Мөн дэлгэцийн эрчим хүчний хэрэглээ багассан тул батарейн ашиглалтыг улам уртасгасан.
Үйлдвэрлэгдсэн он
Macbook M1 - 2020 оны 11-р сар
Macbook M2- 2022 оны 6-р сар
Macbook M3- 2023 оны 10-р сар
Macbook M4- 2024 оны 5-р сар
Гол ялгаа
Macbook M1 - Apple-ийн анхны ARM суурьтай чип; 5нм технологиор үйлдвэрлэсэн; 8 цөмтэй CPU; 7–8 цөмтэй GPU; 16 тэрбум транзистор
Macbook M2- 5нм N5P технологиор үйлдвэрлэсэн; 8 цөмтэй CPU; 8–10 цөмтэй GPU; 20 тэрбум транзистор; LPDDR5 санах ой
Macbook M3- 3нм N3B технологиор үйлдвэрлэсэн; 8 цөмтэй CPU; 8–10 цөмтэй GPU; 25 тэрбум транзистор; hardware-accelerated ray tracing дэмждэг
Macbook M4- 3нм N3E технологиор үйлдвэрлэсэн; 10 цөмтэй CPU; 10 цөмтэй GPU; 28 тэрбум транзистор; 16 цөмтэй Neural Engine; AV1 decoding, mesh shading, ray tracing дэмждэг.
Батарей зарцуулалт
Macbook M1 – 15-18 цаг. Apple-ийн анхны ARM суурьтай чип бөгөөд батарейны ашиглалт мэдэгдэхүйц сайжирсан. Жишээлбэл, MacBook Air 13” (M1) загвар нь видео үзэхэд 18 цаг, вэб хөтлөхөд 15 цагийн ашиглалттай.
Macbook M2- 17-20 цаг.
Macbook M3- 17-22 цаг.
Macbook M4- 16-24 цаг. Батарейны ашиглалт хамгийн өндөр түвшинд хүрсэн. Жишээлбэл, MacBook Pro 14” (M4) загвар нь видео үзэхэд 24 цаг, вэб хөтлөхөд 16 цагийн ашиглалттай бөгөөд энэ нь өмнөх загваруудаас 2 цагийн илүү ашиглалттай болсон.
